مسکراہٹ اور خاموشی

 🌸 *مسکراہٹ اور خاموشی* 🌸

کہتے ہیں کہ ایک بوڑھا شخص جس کا اگرچہ دنیا میں کوئی نہ تھا لیکن وہ بدتمیزی، بدزبانی اور بداخلاقی کی وجہ سے مشہور تھا.

بڑے گھر میں اکیلا رہنے اور لوگوں کے اس رویہ کی وجہ سے وہ پہلے سے بھی زیادہ غصیلا، چڑچڑا اور بداخلاق ہو گیا تھا۔

ایک دن ایک غریب بچہ جو شہر میں نیا آیا تھا اور کوڑا کرکٹ جمع کرتا تھا۔ اس بوڑھے کے گھر کے سامنے سے گزرا، بوڑھا باغ کی صفائی میں مصروف تھا، بچے نے بوڑھے کی طرف نگاہ اٹھائی اور بےساختہ بوڑھے کو دیکھا کر مسکرایا اور ادب سے سلام کیا۔

بوڑھا شخص جس کی طرف شاید چند سالوں سے کسی نے مسکرا کر نہ دیکھا تھا بہت خوش ہوا ۔

آج بچے کی مسکراہٹ کا قطرہ بوڑھے کے بنجر دل پر آب حیات بن کر گرا اور اس نے بچے کو بلایا اور مسکرانے کی وجہ دریافت کی تو بچہ بولا میری ماں نے کہا ہے کہ اگر زندگی میں کامیاب یونا چاہتے ہو تو ہمیشہ دوسروں کو پہلا تحفہ مسکراہٹ کا دو. مسکراہٹ وہ جنس ہے جس پر آپکا کوئی خرچ نہیں ہوتا لیکن اس کے منافع بہت زیادہ ہوتے ہیں. بوڑھا خوش ھوا اور بچے کو انعام دیا.

پھر ہر روز بچہ مسکرا کر بوڑھے کو سلام کرتے ہوئے گزرتا۔ یہاں تک کہ ایک دن بچے کے گھر ایک وکیل آیا اور بولا آج فلاں بوڑھا شخص مر گیا ہے اور اس نے اپنی جائیداد اس بچے کے نام کر دی ہے اور اپنی وصیت میں لکھ گیا ہے کہ اس کی قیمت چند مسکراہٹوں کے ذریعے ایڈوانس ادا ھو چکی ہے. 

🔘 مضبوط ترین لوگ وہ ہوتے ہیں جو مشکل ترین وقت میں بھی مسکرانا نہیں بھولتے. دل میں غموں کا دریا بھی ھو تو آنکھ سے ایک قطرہ نہیں نکلتا.

یاد رکھیں! گزر جانے والے کل کروڑوں تھے اور آنے والے کل بھی کروڑوں ہوں گے لیکن آج فقط ایک ہی ہے. آج مسکراؤ اور خوش رہو کہ یہ پھر نہیں آئے گا۔

ذرا اپنے آپ سے سوال کرو کہ مجھے پوری طرح کُھل کر زور سے ہنسے ہوئے کتنا عرصہ ھو چکا ہے؟

یاد رکھیں! جو ہنسنے مسکرانے کےلیے دلیل کے پیچھے رھتا ھے وہ کھبی مسکرا نہیں سکتا۔

فقط ایک چیز کا خیال رکھنا ضروری ہے کہ انسانوں کو خوش رکھنے کیلئے اللہ کو ناراض نہ کیا جائے۔

‼️ اگر زندگی میں کامیابی چاھتے ہو تو ہمیشہ اپنے ھونٹوں پر دو چزیں رکھو:

مسکراہٹ اور خاموشی

مسکراہٹ مشکلات کو ختم کرنے کیلئے.

خاموشی مشکلات سے دور رہنے کےلئے ۔